NSAIO

Localidade:

Xanceda -Mesía (A Coruña)

Contacto:

Páxina web

ith.rockhotmail.com

Teléfono:

619343329

Xénero/s

Rock

Biografía

A nosa historia:
Ith era o nome do fillo de Breogán, dende as costas galegas divisou terras estranxeiras do que hoxe é Irlanda. Viaxou ata alí e, aínda que a súa idea non era colonizar nin ocupar esas terras, disputou varias batallas cos deuses. Ith foi o primeiro mortal que venceu ós deuses.
Ith naceu a finais do ano 1997, daquela compoñíase de catro músicos igual que agora. O baixista era Manuel Lamas, á batería Hilario Rodeiro, guitarrista Miguel Iglesias e guitarrista e voz Pablo Boga. Da primeira formación, só os dous últimos compoñentes seguen no grupo acompañados de Toxo no baixo e Miguel Folgueira á batería e nos coros.
Os primeiros concertos foron en Baamonde (Lugo), Ordes, Melide (A Coruña), A Coruña, etc..., daquela ensaiabamos en Ordes nun local onde ensaiaba a banda do concello. Dende hai uns sete anos trasladamos o local de ensaio a Xanceda (no concello de Mesía).
As axudas que recibimos foron sempre de amigos, coñecidos e familiares.

As nosas maquetas:
- En 1997 gravamos a primeira maqueta nos estudios da Radio Galega, conta de tres temas: "Que morran", "Ith" (instrumental), e "A última viaxe".
- Gravamos unha segunda maqueta no ano 2000 nos estudios Fábrica de Luz, tamén contén tres temas: "As leis dos raposos" (letra de Celso Emilio Ferreiro), "Conformados" e "Ser pobo é ter conciencia"
- A terceira e polo de agora a última maqueta gravada foi realizada no ano 2004 en Cangas nos estudios do grupo de Astarot. Os temas que se poden escoitar nela son: "Que morran" (versión diferente á primeira), "Depresión" e "Cruzando o mar".

Influencias

Evolución.
O estilo nun comezo era próximo ó Heavy Rock, agora os arreglos son máis modernos e o resultado final dos temas é máis tranquilo.

Membros

Nós:
Pablo Boga e Miguel Iglesias estiveron sempre en Ith. O último estivo tocando unha temporada no grupo de rock "Mestizaxe", grupo do que proveñen as últimas incorporacións, Miguel Folgueira (batería) e Toxo (baixo).

•Toxo (Andabao - Boimorto)
•Miguel Folgueira (Os Ánxeles - Boimorto)
•Pablo Boga (Abellá - Frades)
•Miguel Iglesias (Xanceda - Mesía)

Popularidade